General Santos City – Si PBGEN ARNOLD P ARDIENTE, Regional Director, Police Regional Office 12, nanguna sa Peace Covenant Signing kaganinang buntag, Marso 4, 2025 isip Guest of Honor ug Speaker alang sa General Santos City kabahin sa 2025 National and Local Elections (NLE) sa City Gymnasium, Tiongson Street, Brgy. Lagao, General Santos City.
Misalmot usab sa maong programa sila Atty. Sittie Sharmaine Papandayan-Garangan, City Election Officer, Commission on Elections (COMELEC) 12; Ms. Rilimin Sandoval, City Director, Department of the Interior and Local Government (DILG) 12; PCOL NICOMEDES POLAIVAR JR., City Director, General Santos City Police Office (GSCPO); COL CLAIREMONT W PINPIN, Commanding Officer, Task Force Gensan; Mga Kandidato sa Eleksiyon ingon man mga pangulo ug mga representante sa ubang mga ahensya sa gobyerno, komunidad ug mga organisasyon.
Ang mga highlight sa programa nagsugod sa usa ka unity walk aron sa pagpalambo sa panaghiusa ug non-violence, gisundan sa pormal nga pagbasa ug pagpirma sa Integrity Pledge para sa mga kandidato sa eleksyon ug ang Solidarity Pledge alang sa mga ahensya sa gobyerno, mga lider sa komunidad, ug mga organisasyon.
Kini nagsimbolo sa usa ka hiniusang pasalig sa pagtuboy sa integridad sa eleksyon ug pagsiguro sa usa ka luwas ug hapsay nga demokratikong proseso.
Matud ni BGen. Ardiente, ang Police Regional Office 12 determinado sa iyang baruganan batok sa kapintasan, pagpamalit og boto, ug pagpanghulga. (Rem Agdon)
News&Photos: RPIO-PRO12