General Santos City – Sa diwa sa Pasko sa Pagkabanhaw, ang nasangpit nga aktibidad gipangunahan ni Police Brigadier General Arnold P. Ardiente, Regional Director sa PRO 12.
Nagsugod ang prosesyon gikan sa General Santos City Airport ug natapos sa St. Michael the Archangel Chapel nga nahimutang sulod sa Camp General Paulino T. Santos, Barangay Tambler, General Santos City.
Kini nga makahuluganon nga pamalandong gitambongan usab sa mga Katoliko nga personahe gikan sa Command Headquarters (CHQ), Station Commanders, mga personahe sa lain-laing Police Stations, ug City Mobile Force.
Ang Via Crucis o Dalan sa Krus usa ka tradisyonal nga Kristohanong praktis nga gilangkuban sa 14 ka estasyon nga naghulagway sa mga importanteng yugto sa pag-antos ug sakripisyo ni Jesu-Kristo sa adlaw sa iyang paglansang sa krus. Sa matag estasyon, gihimo ang pag-ampo, pagpamalandong, ug sinsero nga partisipasyon sa mga nanambong.
Kini nga kalihokan nagpakita sa kahingpitan ug kamahinungdanon sa pagtuo sa kinabuhi sa mga estudyante sa balaod.
Sila dili lamang mga tigmintinar sa kalinaw ug kahapsay sa katilingban, apan sila usab aktibong miapil sa makahuluganon nga relihiyoso ug kultural nga mga kalihokan sa komunidad. (Rem Agdon)
News&Photos: PCADG12