General Santos: Konsehal Rivera ga-awhag sa DepEd nga protektahan ang mga estudiyante sa ka-init sa panahon

General Santos City – Usa ka konsehal ning dakbayan sa GenSan niawhag sa Department of Education (DepEd) sa SOCCSKSARGEN sa paghatag ug igong safety precautions ug mga lakang aron masiguro ang kaluwasan sa mga estudyante ug magtutudlo batok sa epekto sa grabeng kainit dala sa El Niño phenomenon.

Pinaagi sa usa ka resolusyon, gihangyo usab ni City Councilor Jane Rivera ang DepEd sa paghatag ug igong tinubdan sa mainom nga tubig nga mainom sa tanang pampublikong tunghaan sa rehiyon.

Gipahinumdoman usab niya ang tanan nga magpabiling hydrated pinaagi sa pag-inom ug daghang tubig matag adlaw aron malikayan ang heat stroke ug uban pang sakit nga may kalabotan sa kainit samtang nagpadayon ang pagtaas sa temperatura.

Nasayran nga kagahapong adlawa Lunes sa hapon, ang City Disaster Risk Reduction and Managment Office niingon nga nakatala kini og 39.1 °C heat index sa GenSan. (Giovanni Pasco)