General Santos City – Naharang sa South Cotabato PNP ang bu-ot untang pagsulay sa pagpalusot sa kapin tunga sa milyon (P500,000.00) nga kantidad sa mga produkto sa sigarlyo sa may Purok Bonifacio, Brgy. Kanunay, ang Sto. Niño, South Cotabato gimuntar nga Checkpoint Operation sa mga awtoridad sa maong dapit, Sabado, Disyembre 21, 2024.
Sa report, mga alas 11:40 sa buntag ang mga personahe sa Regional Special Operations Group (RSOG) 12, 2nd South Cotabato Provincial Mobile Force Company (SCPMFC), South Cotabato Provincial Intelligence Unit (SCPIU), Regional Intelligence Division (RID ) 12 , ug Sto. Niño Municipal Police Station ang usa ka Van nga adunay 490 ka ream lang sa San Diego American blend Cigarettes nga adunay gibanabanang kantidad nga P537,000.
Ang drayber sa Van nga giilang si alyas “Haron”, 31, ulitawo, ug residente sa Brgy. New Passi Tacurong City Sultan Kudarat, walay napakitang mga dokumento sa legalidad sa nasampit nga kargamento.
Sa pagkakaron giandam na sa mga awtoridad ang kaso nga ipasaka batok sa dinakpan. Bisan pa niini, gipasalig sa South Cotabato PNP nga mas hugtan pa nila ang pagbantay sa ilang hurisdiksyon aron walay kontrabando nga makasulod sa lugar.