South Cotabato–Kasong pagsupak sa section 5, 11 ug 12 sa article II sa R.A 9165 ang gipasang-at batok sa suspek nga si Roel Austria, alias Imbuing, 52 anyos, ulitawo nga residente sa purok manga, brgy. Lambunao, Tantangan, South Cotabato human kining madakpan atol sa gihimong buybust operation.
Sumala kang Kath Abad, tigpamaba sa PDEA 12 nga ang nahisgutang dinakpan ang kanhing pulis apan nauna na nga natanggal sa serbisyo gumikan gihapon sa illegal nga droga.
Atol sa operasyon nakuha gikan sa posisyon ni Austria ang mukabat sa upat ka sachet sa gituohang shabu nga adunay street value nga kapin 88 mil ka pesos.
Dugang pamahayag ni Abad nga si Austria ang gitudlong source sa pipila ka mga drug pusher nga ilahang nadakpan kung asa ang mga supply niini ang iyaha lang ginabilin sa iyahang mga runner.
Ang maong operasyon ang gipahigayon sa PDEA South Cotabato Provincial Office, PDEA RSET, 1205th RMFB, South Cotabato Police Drug Enforcement Unit, Tantangan Municipal Police Station ug Koronadal City Drug Enforcement Unit alas 8:00Â pasado ang takna sa gabii sa Purok Sentro 3A, Brgy. Morales, Koronadal City, South Cotabato. Source: (PDEA-12)