Sa hiniusang operatiba sa PDEA Sultan Kudarat Provincial Office, PDEA Regional Special Enforcement Team, PDEA Sarangani PO ug GSCPO PS4 nipahigayon og buy-bust operation nga misangpot sa pagbungkag sa usa ka drug den niadtong Marso 5, 2022, 7:47 PM sa De Tayson Compound, Purok Paparon, Brgy. City Heights, General Santos City.
Giila ang mga dinakpan nga sila si Ronald Salandron y Herrera (drug den owner), 34, ulitawo, walay trabaho, ug ang iyang live-in partner nga si Grace Gabas y Lustina, 18, dalaga.
Si Salandron nadakpan kaniadto tungod usab sa paglapas sa RA 9165 niadtong 2015 ug nakagawas sa prisohan niadtong 2020. Nibalik siya sa iyang negosyo sa ilegal nga drugas sa miaging quarter sa miaging tuig.
Nasakmit atol sa operasyon ang tulo (3) ka sachet sa Methamphetamine hydrochloride o shabu nga motimbang og kapin o kulang unom (6) gramos nga adunay standard value nga Php 40,800.00, assorted drug paraphernalia, ug ang buy-bust money.
Na-rescue usab atol sa operasyon ang usa ka babayeng menor de edad ug giturn-over sa CSWDO.
Kasong paglapas sa mga probisyon sa Article II, RA 9165 ang ipasaka batok sa mga dinakpan nga suspek.
(Source: PDEA 12)
