General Santos: Ipatuman ang hugot nga siguridad sa Barangay Bula

0
2

General Santos City – Han-ay na ang ipatuman nga siguridad sa Bula PNP alang sa piyesta ni Sr. Sto niño sa Barangay Bula karong adlawa, Enero 15. Kini ang giklaro ni Police Major Ian Bagot, hepe sa Bula PNP.

Sumala niya nga kagahapon adlawa palang Jan. 14, nagsugod na ang ilahang massive deployment gumikan sa pagahimuan nga street dancing competition ug gilauman nga magsugod na ug sulod ang mga bisita sa Barangay Bula.

Karong adlawa Enero 15 nga maoy highlight sa selebrasyon, mas daghan ang mga pulis ug force multipliers ang ipakatag sa tibuok barangay.

Dugang pamahayag ni Police Major Bagot nga kaabag nila sa pagbantay sa siguridad ang Philippine Coastguard, Maritime ingon man ang navy.

Saysay niini nga adunay ipangbutang nga mga checkpoint pagawas ug pasulod sa Barangay Bula, adunay mga mobile ug foot patrol nga maglibot-suroy aron masigurong walay unsa mang krimen nga mahitabo.

Nanawagan usab kini sa publiko nga likayan ang pagdala ug backpack sa pagsulod sa Barangay Bula, baga nga jacket, mga hait nga hinagiban ug likayan ang pagbilin sa mga gamit sa bisan asang lugar nga posibleng makahatag ug alarma sa publiko. (John Rey Somido)

LEAVE A REPLY

Please enter your comment!
Please enter your name here