General Santos City – Tingkagol karun sa selda ang usa ka lalaki human kini nagpabuto ug pusil alas 2:50 sa kadlawon sa Purok Acharon, Barangay Tambler, GenSan.
Giila ang nasikop nga si Mohammad Labing, 38 anyos, residente sa nahisgutang lugar.
Subay sa report sa Tambler Police Station nga biktima giila nga si Ebrahim Guina, 40 anyos, nanimuyo usab sa Purok Acharon, Barangay Tambler nga midangop sa maong prisinto aron magpakitabang sa kapulisan gumikan gibaharan matud pa sa suspek ang biktima nga si Guina dayon pabuto ug pusil.
Dali gilayon mirosponde ang sakop sa kapulisan sa panghitabo sa naasoy nga lugar og malumposong nasikop si Labing.
Naimbargo ngadto kang Labing usa ka 45 kalibre nga pistola nga adunay duha ka mga buhing bala ug duha ka magazine sa dihang gipangayuan ang suspitsado ug mga papelis sa maong pusil apan pakyas kining ipresenta sa kapulisan ang mga papeplis.
Sa karon ang suspek ana sa kustudiya sa kapulisan. (Jun Abelo Jr.)