Way kaluoy nga gipatay ang usa ka lola sa iyang mismong igsuon kagahapon sa hapon , pasado alas 4:00, Hulyo 17, 2023, didto sa Sitio Sacsac ,Barangay Bahay, lungsod sa Sibonga, probinsya sa Sugbo.
Ang biktima giila sa Sibonga Police Station nga mao si Avilina Nadela Alferez, 74 anyos ang panuigon, balo, residenti rapud sa maong lugar.
Samtang naila usab ang suspetsado nga igsuon nga mao si Mario Ramil Nadela , 54 anyos ang pangidaron, menyo, nagpuyo rapud sa maong dapit.
Sa inbestigasyon sa Sibonga Police Station nasayran nga adunay nitaho sa ilang buhatan nga adunay usa ka tiguwang nga babaye ang gipatay sa maong lugar.
Dali nilang gi respondihan og pag abot na nila sa maong lugar ilang gikasugat ang suspetsado nga igsuon nga nagpaila nga manghod sa biktima.
Nagduda ang kapulisan sa igsuon kay aduna kini pinaakan og garas sa bukton nga gituhuang maoy nibuhat sa krimin.
Napusasan ang suspetsado og ilang gipangutanan kabahin sa maong krimin nga giangkon usab sa igsuon nga iyang gibunalan og kahoy ang iyang maguwang sa ilang init na panaglalis na maoy hinungdan sa kamatayon niini.
Sa pagkakaron giandam na ng tukmang kaso batok sa igsuon nga walay kaluoy ng nihunos akinabuhi sa iyang igsuon. (Renante Lada)