Sultan Kudarat – Huli ang Top 5 Most Wanted Person (MWP) ng SOCCSKSARGEN Region sa joint law enforcement operation ng PNP sa Samantha Homes, Brgy. Catalunan Grande, Davao City nito lamang Abril 25, 2023.
Kinilala ni Police Lieutenant Colonel Julius Malcontento, Hepe ng Lebak Municipal Police Station, ang suspek na si alyas “Isagani”, 37, may asawa, residente ng Brgy Capilan, Lebak, Sultan Kudarat at sa pansamantalang naninirahan sa nasabing Lungsod.
Ayon kay PLtCol Malcontento, si Isagani ay naaresto sa joint law enforcement operation na pinangunahan ng CIDG12 SK PFU, kasama ang mga operatiba ng Lebak MPS, Talomo PS3 -Davao City, SKPHPT-HPG, SKPPO-PIU at Regional Intelligence Division 12.
Ayon pa kay PLtCol Malcontento, ang supek ay hinuli sa bisa ng Warrant of Arrest dahil sa kasong Statutory Rape na ipinalabas ng RTC Branch 19, Twelve Judicial Region, Isulan, Sultan Kudarat na walang inirekomendang piyansa.
Ang Pambansang Pulisya ay hindi titigil sa kampanya laban sa pagsugpo sa kriminalidad, droga at terorismo para sa kaligtasan at kapayapaan ng mamamayan at ng bansa. (PCADG Region 12).
