General Santos City – Padayong giimbestigahan sa Philhealth ang isyu sa ‘ghost patient’ sa rehiyon nga gikalambigitan sa ospital ug doktor.
Dungan sa pagkabisto sa Philhealth sa modus nga pagpangingil kanila og claim bisan walay pasyente o patay na ang pasyente.
Matud ni Dr. Hector Zenon Leonardo Malate, Philhealth-XII acting regional vice president gilambigit ang mga nasangpit sa misrepresentation ug falsification.
Pipila na usab ka doktor ang gipasakaan na nila og kaso samtang dunay ospital sa rehiyon ang na-suspenso nila ang accreditation.
Dungan niini, giangkon ni Malate nga gilili na usab nila ang pipila ka empleyado nga posibleng dunay kalabutan sa maong isyu.