GENERAL SANTOS CITY – Gipukaw sa pagtay-og sa yuta ang mga residente sa dakbayan alas tres trese kaganihang kaadlawon.
Kini human mitany-og ang 5.0 magnitude nga linog nga nanukad siyam ka kilometros sa habagatang kasagpan sa Surallah South Cotabato.
Kusog ang pagtay-og sa yuta tungod anaa lamang sa siyam ka kilometros ang ggikanan sa linog.
Matud sa PhilVolcs nga tectonic ang origin sa paglihok sa yuta luyo nag nasinati-an usab sa silingan nga dapit. Intensity 4 nasinati-an sa Suralah , Banga, Tampakan, Tupi, T’boli, ug syudad sa Koronadal, apil ang Maasim, Alabel, Glan, Malapatan ug General Santos City.
Samtang intensity 3 sa Lake Sebu, Malungon Sarangani ug intensity 2 nasinati-an sa taga maitum Sarangani. Susama nga paglihok sa yuta nasinati-an sa taga Isulan ug Columbio, SULTAN KUDARAT; Tantangan ug Norala, SOUTH COTABATO; Don Marcelino, DAVAO OCCIDENTAL samtang Intensity I- Lebak ug President Quirino, SULTAN KUDARAT. (Jun Abelo)
