General Santos City – Subling nahibalik sa pagdumala sa Police Regional Office (PRO) 12 si PBrig.Gen ARNOLD ARDIENTE sugod kagahapong adlawa, Se[tembre 1, 2025 (Lunes).
Subay kini kamando-an sa National Police Commission (NaPolCom) isip hulip sa kontrobersiyal nga si PBrig.Gen. ROMEO MACAPAZ kinsa napa-ipailalum karon sa 90 ka adlaw nga pagka-suspendi sa trabaho.
Si Ardiente maoy kanhi nangulo sa PRO-12 sa wala pa siya gipulihan ni Macapaz niadtong Hulyo 30, 2025 ug gitudlo isip officer-in-charge sa Area Police Command (APC) Visayas.
Gipahamtangan sa National Police Commission (Napolcom) og 90 ka adlaw nga preventive suspension si Macapaz human kini gipasanginlan nga ni-tamper sa imbestigasyon sa pagdagit sa dili mominos 34 ka mga magsasabong panahon sa iyang paglingkod isip hepe sa PNP-Criminal Investigation and Detection Group (CIDG).
Gipasakaan usab sa Napolcom og kasong administratibo si Macapaz tungod sa grave misconduct ug conduct unbecoming of a police officer gumikan sa reklamo. (Rem Agdon)
News&Photo: NaPolCom