GENERAL SANTOS CITY – Duha ka miyembro sa Communist Terrorist Group (CTG) ubos sa FGU Far South Minadanao Region (FSMR), New People’s Army (NPA) ug Guerilla Font 73, FSMR, NPA ang misurender sa kasundalohan sa Gobyerno sa Sitio Datal Salvan, Brgy. San Jose, General Santos niadtong Abril 14, 2023.
Giila ni Police Brigadier General Jimili Macaraeg, Regional Director sa Police Regional Office 12, ang mga nitahan nga sila alyas “Duke”, 36, ug alyas “Gerome”, 43, pulos residente sa Brgy Maan, T`Boli, South Cotabato.
Lakip sa ilang pagsurender ang usa ka homemade UZI unit nga adunay magazine ug lima ka mga bala.
Nakita sa duha ka Kanhi Rebelde (FR) ang mga maayong programa nga gihatag sa gobyerno ngadto sa kanhi
nilang mga kauban nga mi-surrender hinungdan nga nibalik sila sa gobiyerno sa way pagduhaduha.
Tungod sa 1201st Maneuver Company, Regional Mobile Force Battalion 12 ug sa koordinasyon sa Gobyerno sa South Cotabato, lakip na sa komunidad, ang boluntaryong pagsurender sa duha ka miyembro sa CTG nasiguro ug gitarget.
Samtang, kasamtangang nagpatabang ang kapulisan sa PRO 12 sa duha nga mitahan aron malakip sa EnhancedComprehensive Local Integration Program (E-CLIP) sa kagamhanan.
Padayon nga nanawagan si PBGen Macarareg alang sa malinawon nga pagsurender sa nahabilin nga mga miyembro sa CTG sa Rehiyon 12. (fRED DEGALA)
