General Santos City – Isip kabahin sa selebrasyon sa National Arts Month, ang Department of Trade and Industry (DTI) nitunol og Php 2 milyones nga grant ngadto sa siyudad sa General Santos, aron suportahan ang proyekto sa City of General Santos: League of Talent and Creativity .
Ang tseke pormal nga gidawat ni Gensan City Mayor Lorelie Geronimo Pacquiao gikan kang Caretaker Eddie S. De Asis sa DTI General Santos City Office.
Kini matud pa nga inisyatiba nagtumong sa pagpalambo sa lokal nga mga talento ug paghimo og mga plataporma alang sa ilang mga kahanas ug pagpalambo sa ilang mga hilig.
Pinaagi sa pagsuporta sa mga lokal nga artista, ang kagamhanan sa dakbayan mas nagpalig-on sa bili sa pagkamamugnaon ug sa pagtubo sa mga industriya sa arte, nga naghatag ug kahigayonan sa matag indibidwal nga makab-ot ang ilang mga pangandoy. (Rem Agon)
News&Photos: CMO