General Santos: COVID-19 vaccines sa GenSan, na-expire na!

0
78

General Santos City — Expire na ang COVID 19 vaccine doses human nga daghan ang wala nakapaturok sa booster shot, butyag ni Dr. Karl Ivan Igrobay, assistant department head sa GenSan City Health Office (CHO).

Matud ni Igrobay, gikan sa 400,000 katao sa GenSan nga nakaangkon og primary dose sa bakuna batok Covid-19. Naa lang sa 80,000 katao ang nakaangkon og booster. Ang booster shot ang dugang protektahan sa lawas sa tao dungan sa pagtumaw sa mga sub-variant sa virus. Atong Desyembre 2022, abli ang tulo ka dagkong mega vaccination site sa mga mall apan kini ang gilangaw tungod wala mipaturok og booster.

Nanawagan karon si Igrobay alang ngadto wala pa nakapa-booster nga moadto sa mga Rural Health Unit tungod hangtud sa Marso 31 na lang supply sa sinovac ug Pfizer.

Dugang sa nasangpit, nagpabilin gihapong nakatala ang GenSan og kaso sa virus hinungdan nga dili angayang magkumpyansa ug siguradohong protektado batok sa Covid-19. Samtang, giangkon ni Igrobay nga dunay plano ang DOH nga ibutang sa vaccination program ang Covid-19 vaccines.(Fred Degala).

Leave a Reply