General Santos City – Gibanabanang mokabat sa P79,900 ang kantidad sa ilegal nga drugas ang nasakmit sa buy-bust operation nga gipahigayon sa PNP sa Purok Darussalam, Brgy Bawing, General Santos City niadtong Abril 2, 2025.
Giila ang nasikop nga suspek nga si alyas Manong, 52, minyo, construction worker ug residente sa maong Barangay.
Sa report sa General Santos City Police Office – Police Station 5, pasado alas 10:30 sa gabii ilang gipahigayon ang operasyon kauban ang ubang intel operatives sa GSCPO ug PRO 12 nga miresulta sa pagkasikop sa drug suspect.
Narekober gikan sa kustodiya sa suspek ang gibana-banang 11.75 gramos sa ilegal nga drugas nga mobalor og P79,900, buy-bust money, ug uban pa nga dili druga.
Kasong paglapas sa RA 9165 (Comprehensive Dangerous Drugs Act of 2002) ang gipasaka batok sa suspek.
Ang kapolisan sa Police Regional Office 12 padayong nagpahigayon og mga operasyon batok sa ilegal nga drugas ug nagkalain-laing klase sa kriminalidad aron mamintinar ang kahapsay ug kalinaw sa Rehiyon Dose. (Rem Agdon)
News&Graphic: PCADG12