General Santos City – Hulog sa Buy Bust operation ala 1:49 sa kaadlawon Hulyo 22,2023 sa Silway Fatima ang usa ka construction worker human namaligya ug gituohan shabu sa nagpakaarong-ingnon buyer nga sakop sa General Santos City Police Office – City Police Drug Enforcement Unit (CPDEU) sa pagpanguna ni Police Captain Villamor. Ang dinakpang suspek naila sa pangalang Ronald Aldemita y Berlanas aka Bebot /Bobot, 43 anyos construction worker ug residente sa Silway Fatima Barangay Dadiangas West ning Siyudad.
Base sa report sa CPDEU nakadawat ug inpormasyon ang ilang opisina sa illigal nga pagpayuhot ug druga sa dinakpan hinungdan gikasa ang operasyon Sa CPDEU kauban ang GSCPO PS1, CIU, CIDMU, CMFC, RPDEU12, RID12 Tracker Tm Bravo RSOG12, RIU12, CIT GenSan ug MARSPTA 12Â sa pakig-alayon sa PDEA 12.
Sa maong operasyon nakuha sa posesyon sa suspek ang usa ka gamay’ng putos sa gikatahapang shabu nga may gibug-aton mokapin o kulang usa (1) ka gramo nga may street value nga usa ka gatos ka libo ka pesos (Php 1000.00.) kalakip ang usa (1 pc.) glass tooter lighter ug ang buybust money nga Usa la libo ka Pesos (Php1,000.00) sa bulsa sa pantalon sa dinakpan.
Kasamtangang temporaryong gidetina ang dinakpang suspek sa custodial facility sa PS1 samtang gipailawom na forensic examination ang mga nakompiskang drug paraphernalia RFU12. (Rey G. Ombaña)
