General Santos City – Ang Coast Guard District Southern Mindanao nga naka-base ning dakbayan sa Gensan mitambong sa Exit Command Conference ug nakadawat og pag-ila gikan sa Commission on Elections (Comelec) Region 12- Field Office sa s’yudad sa General Santos.
Kini alang sa malampuson ug malinawon nga pagpahigayon sa Barangay ug Sangguniang Kabataan Election (BSKE) 2023 nga gipahigayon sa Greenleaf Hotel, General Santos City kagahapong adlawa, petsa 13 Nobyembre 2023.
Ang Comelec-12, mipadayag sa ilang pasalamat ug kinasingkasing nga pagpasalamat sa mga bililhong kontribusyon ug walay paglubad nga suporta sa mga kauban sa eleksyon ug mga stakeholders.
Personal pang mitambong sa maong aktibidad si Comelec Chairman George Erwin Mojica Garcia. (Rey Ombana, photo courtesy of CoastGuard-SouthMin)