Davao del Norte – Arestado ang usa ka alyas Emma human nga gikasa sa mga sakop sa Philippine Drug Enforcement Agency (PDEA) Regional Office XI ang drug buybust operation sa Purok Carig, Barangay Mankilam, Tagum City.
Giila ang suspek nga si alyas Emma, 46 anyos, minyo ug residente sa giingong lugar.
Nakuha sa posisyon sa suspek ang usa ka pakete sa gituohang shabu nag nag-kantidad og P10,000.
Atol sa operasyon nadiskubrihan usab sa mga otoridad nga gipadagan sa kapuyo ni alyas emma nga si edgar ang drug den kung asa narekober ang dugang 5 ka mga pakete sa gituohang shabu nga mutimbang sa 7grams.
Sumatotal muabot sa P57,600 ang kantidad sa mga nakuha g iligal nga druga.
Samtang, Apil sa nadakpan ang ilang bisita sa drug den nga si alyas Rudelyn. (Camille Santos Naraga)
(Source: PDEA XI)