General Santos City: Sa tunga-tunga sa linya sa usa ka fast food chain, kalit lang nahagba ug nawad-an sa panimuot ang usa ka buntis nga babaye samtang naghulat sa linya sa Jollibee Lagao Branch, General Santos City. Dali kining gitabang sa usa ka unipormadong pulis nga atua sa nasampit nga fastfood chain niadtong higayona Siya si PCpl Adrimar Manggaron sa nga nadestino sa Police Regonal Office (PRO-12) RCADD Divsion. Wala siya madestino sa maong lugar alang sa medical duty, apan tungod sa iyang kabalaka nga nakuyapan ang mabdos nga babay gilayon kini niyang gi-asikaso ug gisiguro nga luwas ug maayo ang kahimtang niini sa wala pa moabot ang mga emergency responders gikan sa City Disaster Risk Reduction and Management Office (CDRRMO). Dili matud pa kini ang unang higayon nga ang mga sakop sa PNP nagpakita og pagpakabana ug paspas nga serbisyo. Apan taliwala sa inadlaw-adlaw nga balita, ang mga estorya nga sama niini maoy usa ka pahinumdom nga sa matag eskina sa kadalanan — adunay polis nga andam motabang, bisag wala damha. Ang kabayanihan nga gipakita ni PCpl Manggaroon usa ka pruweba nga ang serbisyo sa kapolisan dili lang sa pagmintinar sa kahapsay — usa usab kini ka katungdanan nga may kasingkasing.