30 C
Manila
Friday, March 29, 2024

General Santos: BPAT member nga nagpatrolya, patay human gipusil

- Advertisement -

General Santos City—Patay sa pagpamusil ang  usa ka miyembro sa  BPAT member human kining gipusil sa area sa Diversion Road, Barangay Fatima, Gensan alas 3:00 pasado ang takna kaganinang kabuntagon.

Ang biktima nailang si Ryan Laureano Reynoso, hingkod ang panuigon, residente sa Purok 13-B, Barangay Fatima, GenSan.

Subay sa  pakighinabi ngadto kang Fred Arado, Purok Chairman sa Purok 13-B, Barangay Fatima, Gensan nagpahigayon sila ug pagpatrolya sa ilang area of responsibility gumikan sa sunod sunod nga kaso sa kawat nga natigayon sa ilang lugar.

Alas 3:00 pasado sa kabuntagon samtang sila anaa na sa  uwahing hugna sa ilang pag patrolya dihang duna silay nakit-ang kadudahang tulo ka mga tawo sa lugar nga nakamotorsiklo.

Gisita sa biktimang si Ryan ang mga nasangpit uban ang tulo pa ka kaubang BPAT member human ilang nakit-an nga adunay bitbit nga vault cutter ang mga nasangpit ug kadudahan usab ang ilang  lihok. Apan kalit nga mibunlot ug pusil ang usa sa tulo ka suspek dayon gipusil ang biktima igo sa liog nga bahin.

Paspas nga misibat ang mga suspek human sa pagpamusil samtang ang biktima paspas usab  nga gidala sa ospital apan gideklara kining dead on arrival.

Sa karon, nagpadayon pa ang gihimong imbistigasyon sa kapulisan kalabutan sa maong insidente ug gisuta pa ang identity sa mga suspek sa maong krimen. (Alfredo Madas Jr.)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -