- Advertisement -
Sarangani Province – Human sa grabeng managtigi sa kaanyag, kaseksi ug kalantip sa pangisip gideklara na ang bag-ong PEARL OF SARANGANI 2023 sa kata-uhan ni Candidate No. 5 ISHIE INOCELDA gikan sa lungsod sa Kiamba, Sarangani Province. Gipildi ni Miss Inocelda ang lain pang 13 ka mga kandidata sa maong Beauty Pageant gikan sa 6 ka Munisipyo sa lalawigan ug ang mga galangkob sa Top 4 candidates nga maoy nahimo niyang hugot nga katigi.
Apan, gumikan sa iyang halos perpekto nga tubag sa Question and Answer portion, si Candidate No. 5 ang nakasakmit sa gi-target na Korona ug naka-angkon sa titulo nga PEARL OF SARANGANI 2023.
Hinuon, gideklara sab isip PEARL OF SARANGANI-TOURISM si Candidate No. 11 THENA JEAN BACQUIANO gikan sa lungsod sa Alabel.
Samtang, nahimo sab nga PEARL OF SARANGANI MUNATO si Candidate No. 8 VANESS ALEGADO gikan sab sa lungsod sa Glan. Gideklara sab sip 1st RUNNER-UP si Candidate No. 3 SARAH JEAN TUANZON gikan sa lungsod sa Malungon ug 2nd RUNNER-UP usab si Candidate No. 10 JESSA MOIRES gikan sa lungsod sa Alabel.
Kahibalo-an, nga ang coronation night sa PEARL OF SARANGANI maoy usa sa pinaka-highlights sa kasa-ulogan sa 21ST MUNATO FESTIVAL nunot usab kini sa 31st FOUNDING ANNIVERSARY sa tibuok Sarangani Province. (Rey Ombana, photo courtesy of RCA/PIO Sarangani)
- Advertisement -
