General Santos City – SUBLI gayud nga mibisita sa dakbayan sa Gensan si Senador Christopher Laurence “Bong” Go nga ma-initon usab gi-abi-abi nila Gensan City Mayor LORELIE PACQUIAO ug Gensan City lone District Congresswoman SHIRLYN BAÑAS, ingon man ni Kapitan ROCK GARAY sa Brgy. Dadiangas South, General Santos City ug National Commissioner on Senior Citizens EDWIN ESPEJO nga naka-base sa Genssan.
Sa maong pagbisita gipangunahan ni SENADOR BONG GO ang ribbon cutting ug inawgurasyon sa ba-ong dakbalay nga nagsilbi karong buhatan sa NATIONAL COMMISSION ON SENIOR CITIZENS (NCSC), Region 12 nga malampusong natukod pinaagi sa gihatag nga pundo sa maong SENADOR nga mapalgan sa Acharon Boulevard, Brgy. Dadiangas South, sa susamang s’yudad.
Ang naasoy nga dakbalay, mao matud pa’y labing unang REGIONAL OFFICE sa mga Senior Citizens sa tibuok Pilipinas.
Gi-awhag ni SENADOR BONG GO ang publiko nga pangga-on ug atimanon ang mga katigulangan, tungod utang matud pa nato ngadto kanila ang tagsa-tagsa nato ka kinabuhi, tungod kung wal;a pa sila, wala sab kita ning kalibutanga.
Misaad sab kini nga motabang pa sa dugang mga proyekto o programa alang sa dugang kalambo-an sa dakbayan. (Rem Agdon)