Joint operation sa kapulisan, militar ug uban pang law enforcement agency ang napahigayon batok illegal nga droga sa Rehiyon 12 sa nakalabayng tuig mukabat sa 967.
Sumala kang Kath Abad, tigpamaba sa PDEA 12 nga ang PDEA 12 mismo, adunay 59 ka mga operasyon nga nahimo sa tuig 2022.
Pinaagi sa maong operasyon, mukabat sa 972 ang naaresto ug 1869 nga mga kaso ang napasang-at.
Dugang pamahayag ni abad mubalor sa kapin 36 million ang na-kumpiska nga illegal nga droga sa milabay’ng tuig kung asa kini gilangkuban sa mga pina-ugang dahon sa marijuana, mga napang-ibot nga punuan sa marjiuana, shabu ug marijuana oil nga unang nakumpsika sa Kidapawan City.
Sumala ni Abad nga dili ingon kadako ang diprensya sa ihap sa mga operasyon ug mga nakumpiska sa milabay’ng tuig 2021.
Apan gibutyag niini nga sa tuig 2020 ug 2021, nahimong limitado ang operasyon sa PDEA tungod sa mga protocol sa covid 19.
(PDEA Region XII, photo credit to the owner)
