Maguindanao Province – Nanumpa na ang mukabat sa 88 ka bag-ong Private nga miyembro sa 6th Infantry (Kampilan) Division dungan sa ilang paghuman sa ilang Basic Military Training sa 6th Division Training School, sa Barangay Semba, Datu Odin Sinsuat, Maguindanao niadtong Biyernes (October 7, 2022).
Ang bag-ong mga Private ang apil sa CSC Class 708-2021 (Bagtikan) Kon Bag-ong gitakda nga Kalasag ng Bayan nga gilangkuban ug 19 ka babaye ug 69 ka mga lalaki.
Top 1 si Private Sharmaine Salvilla nga taga Lebak, Sultan Kudarat, 96.15%; Physical Fitness Proficiency Award, 97.78%, Top 2 – si Private Michelle Abalos nga taga Pigcawayan, North Cotabato, 95.93%; Leadership Award ug Top 3 si Private Syndie Zamora nga taga Kidapawan City 95.74%.
Awardee usab si Private Mark Anthony Nietes kansa nakuha ug Top Gun Award human makuha ug 100% nga rating sa Marksmanship.
Dungan niini, giawhag ni Major General Roy Galido, JTF Central ug 6ID Commander ang mga bag-ong sundalo nga tun-an ang saktong pagdumala sa ilang sweldo ug magtigom samtang bag-o pa ang mga nasampit sa serbisyo ug likayan ang makiglambigot sa iligal nga droga ug uban lang iligal nga gimbuhaton.
Giawhag usab sa opisyal ang mga ginikanan sa mga graduates nga suportahan ang ilang mga anak samtang Sila anaa sa serbisyo.
SOURCE: 6TH ID ”KAMPILAN” DIVISION FB PAGE