General Santos: 4k ka punuan sa kahoy natanum atol sa selebrasyon sa earth day sa DENR 12

0
166

General Santos City – Kapin sa 4,000 ka punuan sa kahoy ang natanom sa nagkadaiyang lugar sa SOCCKSARGEN Region sa gipatigayon nga simultaneous tree-growing activity nga gi-organisa sa Department of Environment and Natural Resources (DENR) Region 12 atol sa selebrasyon sa Earth Day 2022.

Visit RPN DXDX General Santos

Matud ni DENR-12 Regional Executive Director Atty. Felix S. Alicer nga ang kalibutan ang nag-atubang ug problema sama sa climate change ug nagkalain-laing environmental destructions ug pinaagi sa pagtanum ug daghang kahoy kini matabangan.

Kalabutan niini, base sa datos sa DENR-12 field offices, 1,600 ka mga nagkadaiyang klase sa kahoy ang gitanum sa mga National Greening Program (NGP) sites sa Sarangani, 900 sa North Cotabato, 892 sa South Cotabato, ug 700 sa Sultan Kudarat.

Gawas niini nagpahigayon usab ug tree growing activities nagpatigayon ang mga field offices sa ahensya sa information, education, and communication (IEC) campaigns.

Tema karong tuiga sa Earth Day ang “Invest in Our Planet” nga ginapahigayon matag Abril 22.

(News & photo courtesy of DENR Region  12)

Leave a Reply