General Santos City – Mukabat sa 380 nga mga pulis sa rehiyon 12 ang gipang-deploy isip bus marshall human ang nahitabong pagpamomba sa Koronadal ug Tacurong, milabay’ng semana.
Sumala kang Police Lt. Col. Joyce Birrey, tigpamaba sa Police Regional Office 12 nga human ang maong mga pagpamomba, gilayong nagmando si Police Brig. Gen. Alexander Tagum, Regional Director sa PRO 12 nga magbutang ug bus marshall sa tanang bus nga naga-byahe sa rehiyon.
Adunay duha ka pulis ang natahasang muuban sa tanang byahe sa mga bus sulod sa rehiyon ug terminal to terminal ang destinasyon.
Gawas matud pa sa mga bus marshall, gimanduan na ang tanan nga mga city ug provincial director nga dugangan ang deployment sa kapulisan sa mga terminal.
Tumong niini aron nga ma-check ang tanan nga mga bagahe ug mga pasahero nga nagasulod aron masigurong dili na malutsan ug samang insidente.
Ginahangyo usab niini ang tanan nga mga bus company nga magpatuman ug terminal to terminal nga pagpick up ug pag-drop off sa mga pasahero. (John Rey Somido)