General Santos City – Dead on the spot ang 3 ka mga lalake samtang duha ang ang angol human makuryentehan sa ginahimong hotel ning syudad partikular na ang Grand Summit Hotel nga anaa nahimutang sa Bula Lagao road , Brgy. Lagao ning syudad sa Gensan.
Naila ang mga biktima nga silang Gabby Valder, hamtong ang pangidaron, minyo residente sa Koronadal City, Jade Bermejo, hamtong ang hamtung ang pangidaron ka residente sa Iloilo City ug Victor Bagaot, residente usab sa Iloilo City.
Naila usab ang mga nanga angol nga silang Mike Sol Saniel, taga Zone 6, Brgy. Bula, ug Jessie Salatan , taga Pagadian City kung asa padayong pang giatiman sa mga mananambal.
Base sa inisyal nga imbestigasyon sa kapulisan, sumala pa nga Nakaplagan nalang ang tulo ka mga biktima nga sunog ang ubang parte sa lawas ug wala nay kinabuhi sa parking lot sa maong hotel. Gisulayan matud pa sa mga biktima nga isibog ang ilang gigamit nga metal scafle apan naigo kini sa usa ka high-voltage wire hinungdan nga nakuryente ang mga biktima.
Nasayran nga ang mga biktima ang pulos sub-contractor sa maong ginahimong hotel. Padayon pa usab ang ginahimong imbestigasyon sa kapulisan sa maong insedente.
