Sultan Kudarat – Subay sa gipakusog nga kampanya batok sa ilegal nga drugas sa PRO 12, tulo ka mga drug suspect ang nasikop atol sa buy-bust operation sa Purok 3, Barangay Kalawag 3, Isulan, Sultan Kudarat, niadtong Mayo 19, 2025.
Malampusong napahigayon ang operasyon sa mga sakop sa Isulan Municipal Police Station, inubanan sa Philippine Drug Enforcement Agency (PDEA), hinungdan sa pagkasikop ni alyas “Jessy,” 48 anyos; alyas “Rambo,” 63 anyos; ug alyas “Nitz,” 57 anyos, pulos residente sa Isulan, Sultan Kudarat.
Nasakmit gikan sa mga suspek ang pito ka sachet sa gituohang shabu nga motimbang og 18 gramos, nga adunay National Standard Drug Price nga ₱122,400.00; ₱1,000.00 nga buy-bust money; nagkalain-laing drug paraphernalia; ug kuwarta nga nagkantidad ug ₱17,150.00
Gidala dayon sa Isulan Municipal Police Station ang mga dinakpan nga mga suspek ug mga nakumpiska nga butang alang sa tukmang dokumentasyon ug disposisyon.
“Kini nga malampuson nga operasyon nagpakita sa among pasalig sa pakigbatok sa ilegal nga droga.
Among gidayeg ang dedikasyon ug pagtinabangay sa among mga personahe ug kaubang ahensya sa pagsiguro sa kaluwasan ug kaayohan sa among mga komunidad,” matud pa ni PBGEN ARNOLD P ARDIENTE, Regional Director sa Police Regional Office 12. (Rem Agdon)
News&Graphic: RPIO-PRO12