General Santos: 24 Nga mga Manok Panabong nga dad-on unta sa Indonesia nakumpiska sa awtoridad sa Maasim.

Maasim, Sarangani Province – Mukabat sa 24 ka mga manok panabong ang nakumpiska sa awtoridad gikan sa tulo ka unregister nga mga bangka sa Maasim, Sarangani Province niadtong Marso 15 alas 10:00 pasado ang takna sa gabii.

Sa Interview  kang Coast Guard Capt. Michell Ursabia, tigpamaba sa Coast Guard District Southern Mindanao nga sila nakadawat koordinasyon gikan sa Maritime Police 12 nga adunay mga kontrabando nga takdang ipagawas sa nasud agi sa Sarangani Bay nga takdang dad on sa nasud indonesia.

Pakyas ang awtoridad nga masikop ang mga tawong nagpaluyo sa takdang pagpalusot sa maong mga kargamento apan miabot matud pa ang tag-iya sa tulo ka mga bangka nga si Roger Durimlang, 42 anyos nga taga Glan, Sarangani Province.

Gawas sa mga manok, lakip sa narecober ang mukabat sa 150 ka mga container nga gisudlan ug produktong petrolyo ingon man mga kahon sa ilimnong makahubog.

Sa kasamtangan, giturn-over na sa Bureau Of Quarantine ang 24 ka mga manok, samtang ang mga bangka, ilimnong makahubog ug ang mga container ang anaa sa kustudiya sa Maritime Police.