General Santos: 221 na ka surgical cases ang malampusong na-operahan sa Sarangani Provincial Hospital as of April 19

0
116

Gikumpirma ni Doctora Aileen Brion, ang chief of hospital sa Sarangani Provincial Hospital, nga nikabat na sa two hundred twenty-one (221) kabuok surgical cases ang ilang malampusong na-operahan sulod sa provincial hospital sa Sarangani gikan atong bulan sa Nobyembre pagkahimo nga Level 1 hospital hangtud atong adlaw nga Martes, Abril 19.

Visit RPN DXDX General Santos

Gikan niaging bulan sa Nobyembre nakalabay nga tuig 2021 pag-deklara sa Department of Health nga usa na ka Level 1 hospital ang Sarangani Provincial Hospital, gidugok dayon sila og mga pasyente nga magpa-admit ug magpa-opera.

Nakakita matud pa og maayong higayon ang mga residente nga magpa-opera sa dugay na nilang gihambin nga mga balatian aron sabayan ang dyutay nga bayrunon sulod sa Sarangani Provincial Hospital isip hospital sa LGU Sarangani.

Ang mando matud pa ni Governor Steve Chiongbian Solon kanila mao ang sakto ug pantay nga pag-atiman sa mga pasyente.

Kung unsa ang serbisyo nga makuha sa mga may kaya ang makuha ug madawat usab kini matud pa sa mga uyamot nga pasyente sa Sarangani Province.

(Source: PIO-Sarangani)

Leave a Reply