GENERAL SANTOS CITY – Patay sa engkwentro sa mga sakop sa 1st Mechanized Brigade sa Philippine Army ang duha ka sakop sa Dawlah Islamiyah Maguid group nga naglihok sa South Cotabato.
Matud ni Lt. Col. John Paul Baldomar, tigpamaba sa 6th Infantry Division nga nakatagbo sa mga sundalo ang grupo nilang Alias Amboy sa grupong Dawla Islamiyah Maguid group ug didto natigayon ang lima ka minutos nga engkwentro nga gikamatay nilang Saypol Nilong ug Salapudin Usman samtang nakadagan ang mga kauban.
Gikadugang pa ni Baldomar nga nagpadayon ang military operation aron pangitaon ang mga nakadagan nga mga sakop sa terorista .
Nakuha sa kustudiya sa mga suspek ang duha ka M16 armalite rifle ug mga materyales sa paghimo ug improvised explosive device.
Gituhu-an usab nga may plano nga magsabwag ug kagubot ang nahisgutang grupo tungod sa bitbit nila nga IED.