General Santos City – Usa ka laborer ang nadakpan human nipahigayon og search warrant operation ang mga awtoridad sa Purok 4B, Brgy. Bula, General Santos City, ning nakalabay’ng adlaw.
Si Police Major Ivan Charles F Abastillas, hepe sa General Santos City Police Office-Police Station 6, niila sa suspek nga si alyas “Jr”, 36 anyos, batan-on ug laborer nga residente sa nahisgutang lugar.
Gipahigayon ang search warrant operation sa balay sa suspek uban sa kooperasyon sa GSCPO-PS6 ug PDEA 12, nasakmit ang upat (4) ka piraso sa plastic sachet sa gituhoang shabu nga motimbang og 5 gramos ug mobalor og Php34,000.00, duha (2) ka . plastic sachet nga adunay sulod nga uga nga dahon nga motimbang ug 35 gramos nga nagkantidad ug 4,200.00 ug uban pang mga butang nga dili droga.
Ang suspek pasakaan og kasong kalapasan sa section 11 ug 12 sa Art. II RA 9165 o Comprehensive Dangerous Drugs Act of 2002.