Usa ka Brigada Eskwela Kick-off program ang malampusong gisalmotan sa mga personahe sa Bjmp Dipolog City Jail Male Dormitory, adunay tema nga “Bayanihan para sa MATATAG na Paaralan”, diin ang maong programa gipahigayon didto sa Sicayab Elementary School, Brgy. Sicayab, ning dakbayan sa Dipolog, sa may alas 8:00 sa buntag Hulyo 22,2024.
Si Bjmp Dipolog City Jail Male Dormitory City Jail Warden JCINSP ARVIN DAN R AGUITO, ang nangulo sa pagtambong sa 19 ka mga personahe sulod sa pasilidad pinaagi ni JINSP LARRY C RECAMARA, Asst. Jail Warden ug JINSP REYMAR P DEL VALLE, kinsa nisalmot sa maong kalihokan.
Samtang ang Mayor ning dakbayan sa Dipolog nga si Mayor Darel Dexter T. Uy, mihatag sa iyang mahinungdanong mensahe ug pagdasig ngadto sa mga personahe sa maong pasilidad sa ilang paningkamot nga makatampo pinaagi sa pagsiguro sa usa ka mas luwas nga palibot,paglimpyo pinaagi sa pagwagtang sa mga potensyal nga breeding ground sa mga lamok.
Dugang pa, sa ingon nga pagpasiugda makatabang usab kini sa usa ka mas himsog ug mas luwas nga palibot, pagpakunhod sa risgo sa pagdagsang sa bitin sa eskwelahan alang sa mga estudyante ug mga kawani. (Medalyn U. Borja)
(Source: BJMP Dipolog City Jail Male Dormitory)