Maguindanao del Sur – USA ka babaye sa Mamasapano, Maguindanao del Sur nanganak sa upat ka mga batang babaye niadtong Martes.
Si Naila Halid, kinsa ubos pa sa pag-atiman sa Provincial Health Office nanganak sa iyang upat (4) ka mga batang babaye sa ilang balay sa Barangay Tukanalipao sa nasampit nga probinsiya, alas-12:00 ang takna sa udto.
Usa ka paryente sa maong babaye, nagkanayon sa pakighinabi sa mga Media nga wala magdahom ang magtiayon nga manganak si Naila og quadruplets sanglit wala man kini mopa-ilalum sa medical checkup.
Ang 4 ka bata anaa karon sa Cotabato Regional Medical Center, pero subay sa pinaka-ulahing taho karong buntaga lamang, namatay na ang usa ka bata.
Samtang, ang amahan sa quadruplets nga si Nasser nangayo og tabang pinansyal alang sa iyang asawa ug ilang mga anak nga padayon karong anaa sa Ospital. (Rem Agdon)