Pulos anaa na karon sa kustodiya sa kapulisan ang duha ka mga suspetsado nga gituhuang maoy responsabli sa kamatayon sa usa ka dalaga nga gilabay didto sa South Road Properties, dakbyan sa Sugbo niadtong Lunes sa buntag, Nobiyembre 18, 2024.
Si Neca Denise Lagria, 22-anyos, usa ka crew sa kan-anan sa dakbayan sa Mandaue, taga Brgy. Yati, Liloan, Sugbo, positibong giila sa mga kabanay na mao ang babaye nga napalgang wala nay kinabuhi nga gilabay sa SRP.
Human sa maong kalambuan paspas dayon nga nibhimo sa follow imbestigasyon ang Cebu CIty Police Office diin ilang gi susi ang mga CCTV footgaes sa maong lugar nga naghatag kanila nga maila ang drayber sa PUJ.
Kagahapon sa Hapon, Nobiyembre 20, 2024 unang nasikop si Jason Cullamat, 30-anyos, menyu taga lungsod sa Barili probinsya sa Sugbo, atol sa iyang pagbiyahi gamit ang PUJ nga gituhuang maoy gisakyan ni Lagria. Si Cullamat hugtanon nga nilimod sa maong krimin nga aduna siyay kalambigitan niini og iyang gitudlo ang uyuan niini nga maoy nibuhat sa krimin.
Si Godufredo Quiloan Bropal, hingkod ang panuigon, nadakpan usab sa kapulisan human sa pipila ka oras nga nadakpan ang unang suspetsado.
Nahibaw-an usab nga naputol ang dila ni Bropal ug aduna kini mga samad sa nawong na maoy nakapalig-on nga duna kini kalambigitan sa kamatayon sa biktima.
Sa pagkakaron padayon pa ang imbestigasyon sa kapulisan aron pagsuta kung unsay motibo sa maong krimin samtang giandam na usab ang mga kaso batok sa mga suspetsado.
I via Renante Socia Lada