Sultan Kudarat – Gitaho sa PRO 12 ang malampusong pagkasikop sa usa ka negusyante nga nalambigit sa pagpamaligya og smuggled nga sigarilyo atol sa gipakusog nga anti-smuggling operation nga gipahigayon niadtong Septiyembre 17, 2025, mga alas 11:00 sa buntag sa Barangay Poblacion, Bagumbayan, Sultan Kudarat.
Ang mga personahe sa Bagumbayan Municipal Police Station ug 2nd Sultan Kudarat Provincial Mobile Force Company nihimo og saturation drive batok sa pagdagsang sa mga smuggled nga sigarilyo, nga miresulta sa pagkasikop ni alyas “Meloy,” 39 anyos, minyo, ug residente sa Barangay Poblacion, Bagumbayan, Sultan Kudarat.
Ang suspek nasakpan sa akto nga namaligya og smuggled ug undocumented nga sigarilyo ngadto sa usa ka polis nga nagsilbing poseur buyer. Nakumpiska gikan sa iyang possession ang kwarentay sais (46) ka ream ug upat (4) ka pakete sa New Berlin sigarilyo, kwarentay kwatro (44) ka ream ug lima (5) ka pakete sa Canon sigarilyo, napulog pito (17) ka ream ug duha (2) ka pakete sa Fort sigarilyo, duha (2) ka ream sa sigarilyo sa Titan (1) DJ ream.
Ang mga nasakmit adunay gibana-bana nga market value nga ₱87,302.38.
Ang pag-imbentaryo ug pagmarka sa mga nakumpiska nga butang gihimo sa lugar nga gidakop ug gisaksihan sa usa ka Barangay Kagawad ug usa ka representante sa Department of Health (DOH).
Ang dinakpan nga suspek gipahibalo sa iyang mga katungod sa konstitusyon sa usa ka pinulongan nga hingpit niyang nasabtan ug sa ulahi gidala sa Bagumbayan MPS alang sa dokumentasyon ug tukma nga disposisyon.
Ang mga nakumpiska nga butang itugyan ngadto sa Bureau of Customs (BOC) alang sa legal nga aksyon ug disposisyon.
Si Police Regional Office 12 Regional Director, PBGEN ARNOLD P ARDIENTE, nihatag ug gibug-aton sa pasalig sa kapolisan sa pagsumpo sa ilegal nga negosyo sa sigarilyo sa rehiyon. (Rem Agdon)
News&graphic: RPIO-PRO12