Duda si Sen. Sherwin Gatchalian sa pagkasawi ng mga high-profile inmates mula sa New Bilibid Prison (NBP).
Ayon kay Gatchalian, hindi siya kumbinsido sa inilabas na death certificate para sa mga namatay na high-profile inmates na nagsasabing nasawi ang mga ito dahil sa coronavirus disease 2019 (COVID-19).
Aniya kahina-hinala kasing sabay-sabay na namatay at tinamaan ng COVID-19 ang mga high-profile na mga bilanggo, kung saan wala ring maipakitang matibay na ebidensiya hinggil sa pagkasawi at pag-cremate sa mga ito.
Una rito, ipinapanawagan naman ng ilang senador ang pagbibitiw ni BuCor Chief Gerald Bantag sa pwesto dahil sa nasabing kontrobersiya.