Cebu City – Gitakdang makigtagbo si Cebu Governor Gwendolyn Garcia kang President Rodrigo Duterte sa Malacañang karong Lunes, Mayo 30, 2021, meeting nga gi arrange ni OPAV Secretary Michael Dino.
Tinguha ni Garcia nga i-apelar ang kamanduan sa Malacañang sa palisiya labot sa testing ug quarantine protocols ug ang pag direct sa international flights sa Mactan Cebu International Airport (MCIA) ngadto na sa Ninoy Aquino International Airport (NAIA).
Lakip nga motambong si Secretary Dino, IATF-MEID Deputy Chief Implementer for the Visayas Ret. General Mel Feliciano, DOH Regional Director Dr. Jaime Bernadas ug DOH Chief Pathologist Dr. Mary Jean Loreche.
Kagahapon, Mayo 28, mipahigayon ug emergency nga tigom ang mga key officials sa Sugbo ug sa rehiyon uban ni Garcia human ang Malacañang mimando pag divert sa tanang international flights nga mo tugpa sa MCIA ngadto ni NAIA.
Ang pagparedirect sa mga flights gisugdan 12:01 Mayo 29 hangtud sa alas 11:59 sa Hunyo 5, 2021.
Ipresenta sa grupo ni Garcia ngadto sa Presidente ang sitwasyon sa Covid-19 sa Sugbo ug ang gi basihan sa palisiya sa Kapitolyo labot sa returning Filipinos gikan sa overseas nga gi-ingong ni sukwahi sa IATF resolution.
Alang sa gobernador nga dako ug epekto sa turismo ug ekonomiya ang pagpa divert sa mga incoming international flights gikan sa Mactan ngadto na sa kaulohan.
Dili hinoon apektado ang mga domestic flights. (Jhon Tadlip/JTY)
(News & photo courtesy of Cebu Provincial Government)
