CAGAYAN DE ORO CITY- Gikondena sa grupo sa mga pastor ang pagsikop kagahapon ni Pastor Alfred Caslam sa The Word of God, Spirit and Life Ministries, Inc ug nanaad nga mopaluyo kini sila sa pastor diha sa Korte.
Sa statement nila, ang Cagayan de Oro Evangelical Council o CEC nagsugilon nga ang ilang mga miyembro nakabati nga nalapas ang freedom of religion ug wa tagda ang prinsipyo sa separation of church and state.
Nasayran nga si Caslam gisikop kagahapon, Domingo human nagpahigayon sa pagsimba nga gitambongan sa moabot 500 ka mga miyembro niini. Ang mga miyembro sa Regulatory Compliance Board (RCB) sa dakbayan ug ang kapolisan miaresto sa maong pastor tapos nga giingong nagpakita sa resistance kini tapos gienforsar sa otoridad ang social distancing measures tungod sa coronavirus disease o Covid-19.
Si Caslam nag-atubang sa kasong violation sa section 9 Republic Ac 11332; violation of Article 151; of the Revised Penal Code ug Executive Order 048-2020.
