Mangidiaya ti gobierno probinsial ti libre a lugan nga agturong kadagiti sumagmamano a “tourist destination” ditoy Ilocos Norte. Gob. Segun iti maysa nga agpapaay iti Ilocos Norte Tourism Office wenno INTO, mamati.
Matthew Marcos Manotoc a bayat ti panangikarkarigatan ti turismo a makarekobre iti babaen ti “new normal” kasapulan met dagiti programa a pangtulong iti “Travel and Tours sector”.
Mainaig iti daytoy, kas paset iti panangrambak ti La Milagrosa Provincial Fiesta, maidiaya ti “Free Tour” saan laeng a kadagiti turista ngem kangrunaanna kadagiti kakailian ditoy Ilocos Norte.
Naammoan a maidiaya ti libre a pagluganan intono Mayo 22, 28 ken 29 iti agdama a tawen.
Nakasagana ti walo a van para iti northern tour ken pito a van iti Southern Tour Dakkel ti pammati ti probinsia a babaen iti nasao a programa ket ad-adda pay a magutigot dagiti turista a mangpasiar kadagiti “iconic” ken baro nga atraksyon ti probinsia ken maitandudu dagiti aktibidad iti ruar.
Inbunannag na a maipatungpal daytoy babaen iti pannakibinnulig ti probinsia iti Ilocos Norte Travel Agencies Association ken iti Ilocos Norte Tour Guides League.
Kadagiti interesado a manggundaway iti daytoy a programa, mabalin dagitoy ti agrehistro iti “http://bit.ly/LaMilagrosaFreeTour” wenno agtawag iti Ilocos Norte Tourism Office iti (0908) 810 8621.
Impatalged ti nadakamat a pangopisinaana babaen iti daytoy naidumduma nga “adventure ket maikkan ti gundaway a mangkita kadagiti napipintas a lugar iti probinsia a natalged ken libre.
Naammoan a karaman kadagiti lugar a pagturungan dagiti karaman iti Northern Tour ti Kapurpurawan rock formation, Burgos Windfarm Adventure Park, Bangui Bay Windmills, Saud Beach ken ti Umok ni Siwawer Eco Tourism Park idinto nga iti Southern Tour ket iti Umok ni Siwawer Eco Tourism Park, Malacanang of the North and Chinese Garden, Paoay San dunes, Paoay Church ken La Virgen Milagrosa Cove.
(Rodrigo Sadian, RPN DZRL Batac OIC)
(Source: Provincial Government of Ilocos Norte)