Inpalgak ni Hon. Eduardo “Eddie” G Guillen, municipal mayor ti ili iti Piddig a maisa ita ti talugading wennu tarigagay ti nasao nga local a gobierno ket ti pannakalukat wenno pannaka-iwayat ti Food Self Sufficiency.
Basar kenkuana daytoy a gannuat ket ti panagpaado kadagiti dingwen agsipud iti merkado publiko ket manmanu’n ti magatang a karne ti baboy gapuanan iti African Swine Fever (ASF) gapu a daytoy a gannuat ket nairuangan para kadagiti umili ti Piddig.
Inlawlawag na ngarud a ti panagited kadagitoy ket saan a per tao no di ket kada gunglo, ken adda dagiti katulagan a paggannurutan kas iti saan a mabalin a mailako dagiti babbai a taraken ta isuda ti pamuunan.
Innayon na ngarud pay nga inton makapaado dagiti recipients ket isudan ton ti paggatangan iti municipyo ken ti Departamento iti Agriculture (DA).
Naamuan ngarud pay nga kadagiti naglabas ket addan iti naipaayan ti lima pulo a kalding iti pito nga a grupo ti Sanjera ket sumarsaruno nga ited wennu maipaay ket lima pulo met nga baboy.
Inbinsabinsana a ti naggapuan ti pundo a naiyala kadagiti kalding a naibunong kadagiti 7 a sanjera ket naggapo iti 7171. (Mary Rose Antonio, RPN DZRL Batac Correspondent)
(Source: LGU Piddig, Ilocos Norte)