Miapela ang mga local government officials sa General Santos City ngadtu sa mga netizens nga likayan ang pagpakalat og mga balita kalabot sa matod pa usa ka “kulto” sa siyudad.
Sa pakighinabi kang Dac Ville, Barangay Mabuhay purok chairman Lemuel Landao, gipaklaro sa opisyal nga wala’y kamatuuran ang mikalat sa mga social media sites kabahin sa kalambigitan sa “kulto” sa usa ka insidente sa ilahang lugar.
Base matod pa sa gihimong imbestigasyon, usa ka kaso sa pagpangawat ang nahitabo, diin, gilangkat sa mga suspeks ang dingding sa usa ka panimalay.
Giawhag usab ni Landao ang mga ka-barangay niini nga mag-igmat gumikan sa daghang modus sa mga kriminal aron makapanghasi sa katilingban.
“Katong panghitabo kagabi, purely binuhatan to sa mga kawatan nga mga grupo,” ang tipik sa pamahayag sa opisyal. (John Rey Somido)