Cebu City – Gihulagway sa usa ka manlalaban sa Sugbo nga angayang sutaon ang rules sa double jeopardy labot sa subli nga pagka aresto sa usa ka Environmental Campaigner may labot sa cyber libel batok kang kanhi Mayor Val Chiong sa Syudad sa Naga.
Sa social media post sa Living Laudato Si’, usa ka Non Government Organization (NGO), ilang gibutyag ang pagka sikop ug pagka tanggong ni Adrian Cabag, membro sa Pusyon Kinaiyahan, Abril 1, 2021, sa Syudad sa Naga.
Matod ni Atty Vincent Isles ang samang cyber liber case ni Cabag na dismiss na sa miaging tuig.
“He was arrested (again) for the same cyber libel case we were able to convince the court to dismiss last year. The case was dismissed after he was arraigned so this is going to be an interesting look into the rules of double jeopardy,” matod ni Isles.
“The arrest could not have come at a worse time for Adrian. The warrant for his arrest was issued last Holy Monday, March 29, 2021, and it was implemented yesterday Maundy Thursday, April 1, 2021, catching all of us off guard, ” dugang mensahi sa Isles.
Tungod kay ang korte mo abli Lunes pa sa buntag, matod ni Isles nga matug si Adrian ug upat ka gabii kuyug sa ubang mga detainees sa dili pa kini maka pyansa alang sa iyang temporaryong kagawasan.
Iyang panghinaut nga way na Covid-19 nga masud samtang anaa si Adrian sa bilanggoan.
Si Cabag usa ka environmental campaigner batok sa mining ug quarrying sa Syudad sa Naga; ug gihulagway nga “consistent voice of climate justice” labi na sa mga na biktima sa landslide sa Naga niadtong Setyembre 20, 2018.
Ang maong trahedya mikalas ug 78 ka kinabuhi ug liboan ang na displace.
Niadtong Oktubre 10, 2019, nasikop si Cabag sa samang cyber-libel batok sa na suspenso (niadtong higayona) nga si Mayor Val Chiong sa Naga, kinsa ilang gituuhan nga maoy nagtugot sa ilang gihulagway nga “massive quarry operations” sa syudad.
Pagpanalipod sa KinaiyahanÂ
“We sincerely believe that one day, someday, the greater portion of the body politic will stand alongside with us, preserving the majesties of our mountains, and safeguarding the cleanliness of our rivers and seas, in the hope that future generations will still have them to enjoy,” panglantaw ug panghinaut ni Isles.
Sa iyang bahin, mipadayag sa iyang kasagmuyo, pinaagi sa social media si Atty. Jenny Tan sa nahitabo.
“It’s too sad that there are people who are willing to do something that will benefit the people, environment and the next generation but they are harassed by the govt that are suppose to protect it’s people,” mensahi ni Atty. Tan.
“Worse, most of the people will turn blind eye on this kind act because they think that his has nothing to do with them,” dugang ni Tan.
Sigon pa niya nga moabot ang panahon nga wala nay mo-atiman ug mag-iyahay na lang ug siguro sa kaugalingon. (Jhon Tadlip/JTY)
(Sources: Atty. Vincent Isles | Living Laudato Si’ | Atty. Jenny Tan)