Enhanced Community Quarantine Sa Gensan Miresulta Sa Taas Nga Pila Sa Trapik

Enhanced Community Quarantine Sa Gensan Miresulta Sa Taas Nga Pila Sa Trapik

by RPN
187 views

Miresulta ug taas nga pila sa trapik ang gipatumang enhanced community quarantine sa syudad sa Heneral Santos. Kini human sa pagpatuman ug enhanced community quarantine pinaagi sa makuting proseso nga pag pangita ug home quarantine pass sa tanang mga pasahero saa pampubliko o pribado nga sakyanan sa naasoy nga syudad subay usab sa kamanduan sa nasyonal nga panggamhanan diin ang  katoyuan mao ang paglikay sa Covid19  nga mipatay ug libuan na ka mga tawo sa tibouk kalibutan.

Sumala pa ni General Santos City Police Office City Director Aden Lagradante nga kinahanglan respetohon ug tumanon gayud ang pag patuman sa balaud tungod ug alang sa seguridad sa tanang katawahan. Kahinumduman nga nagpagula ug unang kamanduan si Pangulong Rodrigo Roa Duterte  aron ipailawom ang tibouk nasud sa National Health Emergency nga miresulta ug sunod sunod nga mga enhanced community quarantine sa tibuok nasud. Nanawagan usab ang mga kapulisan nga likayan ang pag gawas sa panimalay aron dilin masugamak sa grabeng trapik ug dili matud pa kalimtan ang pag dala sa HQP o home quarantine pass nga gi isyu sa matag punong barangay sa tanang house hold nga ilang ginsakpan. Sa kasamtangan wala pay natalang nagpositibo sa covid 19 luyo sa mga natalang PUI o person under investigation ug PUM o person under monitoring.

Malaumon usab si mayor Ronel Rivera nga magpabiling COVID 19 free gihapon ang syudad gumikan sa hugot nga pagpatuman sa ilang mga pamaagi aron malikayan ang pagkuyanap sa naasoy nga virus.

0 comment

Related Posts