Tungod sa kasayurang gipalibutan na ang Zamboanga del Norte sa kasilinganang mga lalawigan nga dunay positibong kaso sa COVID-19, nahimo kining tinubdan sa kabalaka sa mga Zanortehanon.
Sa usa kahugnaan sa mga resultang miluwat kaniadtong Marso 29, 2020, duha niini ang gagikan sa Lanao del Nore ug Misamis Occidental, mga lalawigang pinakaguol sa Zamboanga del Norte diin dili usab ikalimod nga ang mga katawhan sa naasoyng mga lalawigan, sulod-gawas lamang.
Hinungdan kini nga mihangyu ug mipadayag na sa ilang mga kabalaka ang mga lumulupyo sa lalawigan sa sitwasyong nahiaguman karon. Mihangyu na ang kadaghanan pinaagi sa social media sa ilang kaguol ug kabalaka tungod wa matud pa nila makita ang pagpaningkamot sa kagamhanang lokal sa pagpanilipud nga di mokatap ang gikahadlukang COVID-19 sa probinsiya sa Zamboanga del Norte.
Lakip sa ilang hangyung panalipdan ang lalawigan, mao ang pagpatuman sa Enhanced Community Quarantine bisan paman ug daghanan usab ang di uyon niini tungod maapektohan ang ilang mga panginabuhian. Apan mas daghanan usab ang misabot nga kun ipatuman man kini, alang lamang kini sa kaayuhan sa tanan.
Base usab sa mga giluwatang pamahayag sa mga frontliners, dako na nilang kabalaka kun ugaling hulaton pa sa pangagamhanang mopisitibo usa ug duha ayha mopatuman ug lockdown tungod matud pa nila, unya ug ang lawas na sa mga frontliners ang mohagsa, mas makaluluoy ang tanan.
Risgo alang sa tanan kining COVID-19 ug nakita na sa tanan ang epekto niini sa panglawas sa tawo. Nanghinaot na lamang ang katawhan ning lalawigan sa Zamboanga del Norte nga dunggon sa lokal nga pangagamhanan ang ilang hangyu ug tan-awon ang kaayuhan sa katawhan ug dili ang mga negosyo.
