Gikumpirma ni GenSan City Councilor Rozalita Nuñez Chairperson on the committee of education nga aprobado sa ilang level sa Konseho ang scholarship program gitawag nga AKLAT-EDUKAR kon scholarship program para sa mga estudyanteng kabataan nga anak sa pamilya kabus ug timawa aron maalalayan hangtud nga makahuman sa ilang kurso sa kolehiyo .
Matud pa sa maong konsehal nga adunay gi-post sa FB page sa LGU nga mga pangalan sa mga estudyante nga aprobado ang ilang application para sa maong scholarship para sa school year 2020-2021 new and old scholars nga nagtungha sa nagkadaiyang mga tunghaan pribado ug pampublikong tunghaan sa syudad.
Unang gikabutyag ni Mayor Ronnel Rivera nga ang mga beneficiaries ang makadawat ug P20,000 educational assistance para sa mga tuition fees matag semester ug kini epektibo niining unang semester sa klase . Libuan ang mga estudyante ang nakabenepisyo sa maong scholarship program sa local nga gobyerno sa syudad . Aduna pa kini ₱ 2,000 monthly allowance ang mga scholars ilabina ang kanhi na nga mga listahan .
Giklaro usab ni Kagawad Nuñez nga sa mga new kon bag-o nga mga skolar ang wala na kini allowance tungod ang budget ang gidugang kini para sa dugang mga estudyante nga beneficiaries sa maong scholarship grants .
Gihangyo karon ang mga iskolars ug mga ginikanan ang pagsabot nga wala pa na submitar ang listahan ngadto sa mga tunghaan tungod sa amendments kon kausaban sa ordinansa ilabina kay institutional program na ang maong Edukar. Apan epektibo na kini karon nga semester ug dili angayang mabalaka ang mga ginikanan tungod bayran sa LGU ang tuition niini sa matag tunghaan .
Gipanaad kini sa administrasyon ni Mayor Rivera kauban sa project in-charge nga si Mr. Philip Pabelec nga gitutukan ang maong scholarship program aron daghang kabataan ang maka –eskwela ug makahuman sa kolehiyo . Gisuportahan usab kini sa tibuok konseho ning syudad sa pagpanguna ni Vice-Mayor Atty. Loreto Acharon ilabina ang pagahin ug minilyong pundo gikan sa LGU/ Special Education Fund. (Roniel Degorio, RPN DXDX GenSan)