Nagmalampuson ang gipahigayong payout sa Emergency Cash Transfer (ECT) sa upat ka mga Barangay sa Monkayo, Davao de Oro.
Muabot usab sa kapin 869 ka mga residente gikan sa Brgy. Macopa, l 523 ka benipisyaryo gikan sa Brgy. Mamunga, 710 ka mga households gikan sa Brgy. Olaycon ug 435 ka mga households gikan sa Brgy. Inambatan. Ang nakadawat ug kapin P4,980 pesos.
Sumala kang Davao de Oro District 1 Cong. Maricar Zamora nga dako ang iyang kalipay nga nasungkit ang maong pondo ug nahatag ngadto sa mga katawhan.
Full force sab ang suporta sa mga aktibong opisyales sa lungsod nga gipangulohan ni Mayor Manuel “Way Kurat” Zamora nga gi-representar ni Vice Mayor Manuel “Junjun” Brillantes, Jr. inubanan sa mga Sangguniang Bayan Members ug Barangay Officials.
Samtang, dako usab ug pasalamat ang mga benipisyaryo sa nadawat nga ayuda gikan sa gobyerno. (Camille Santos Naraga)
(Source: Cong. Maricar Office)