Pinuri ni Pangulong Rodrigo Duterte ang militar at pulisya sa pagkakaaresto ni Vicente Ladlad, isa sa consultant ng National Democratic Front (NDF) sa Novaliches, Quezon City.
Ayon kay National Security Adviser Hermogenes Esperon, sa ginanap na pulong ng mga security officials ng pamahalaan at lider ng mga indigenour group sa malakanyang, binati ng pangulo ang afp at pnp sa matagumpay na pagkakadakip kay ladlad.
Magugunitang naaresto ng pinagsanib na pwersa ng Philippine National Police (PNP) at Armed Forces of the Philippines (AFP) si Ladlad sa isang bahay sa San Bartolome, Novaliches, Quezon City sa bisa ng isang search warrant.
Si Ladlad ay miyembro ng central committee Communist Party of the Philippines (CPP) at pinuno ng National United Front Commission (NUFC).
